Story of Anantavaram - part 1

కృష్ణానదీతటే భాతి ప్రసన్నపరమేశ్వరః - రామలింగేశ్వర ఇతి సీతారామప్రతిష్ఠితః |
వేణుగోపాలాసహితః సుందరోద్యాన సంస్థితః - గుంటూరుమండలగ్రామే చిలుమూరితి విశృతే ||

తతో2దూరే మమగ్రామః అనంతవరనామకః|
శంకరస్తత్ర సంపూజ్యః సప్తకోటీశ్వరాకృతే |
అర్చితాచ పరాశక్తీ బాలాత్రిపురసుందరీ |
రుక్మిణీవేణుగోపాలం సత్యభామాసమేతకం |
సువర్చలాంబికాసాకం హనుమంతం చ స్వామినం |
ఆరేటమ్మేతి నామ్నాంచ దేవీం తత్ర వ్యవస్థితాం|
శివాలయసమీపస్థాం గ్రామరక్షణదీక్షితాం |
సమర్చ్యంతి హి తేసర్వే గ్రామస్థాః ధన్యజీవినః ||

శృతిస్మృతిపురాణేషు సంగీతాదీషు పండితాః - బ్రాహ్మణాబహవస్తత్ర సువిశృత కులాన్వయాః ||
వేదవేదాంత తత్త్వజ్ఞాః కుప్పా నామక వంశజాః - ఆస్తికా ధర్మనిరతాః కౌండిన్య గోత్ర సంభవాః ||
విద్యావినయసంపన్నాః సదాచార ప్రవర్తకాః - గొల్లపూడీతి సద్వంశే జాతాః పరమధార్మికాః ||
యజుర్వేదే పండితాస్తు విష్ణుభొట్ల కులోధ్బవాః - భారద్వాజసగోత్రాఖ్యాః యజ్వినో ఘనపాఠినః ||
వంశనామ్నా తు ప్రఖ్యేతి పోతుకుచ్చీతిచైవహి - విశేషతః కూనపులీ బ్రాహ్మణానాం మాహాయశాః ||
నియోగిబ్రాహ్మణశ్రేష్ఠాః గాదిరాజు కులోధ్బవాః - సంపన్నా సుమనస్కాశ్చ గ్రామణీత్వే సునిష్ఠితాః ||
వైశ్యాధనసమృధ్ధాశ్చ కర్షకాగోపకాస్స్తథా - అనంతవర గ్రామస్థాః సర్వే ధర్మప్రవర్తకాః ||

श्री वाक्सरस्वती हृदयस्तवः |

श्री वाक्सरस्वती हृदयस्तवः ।
अस्य श्री सरस्वती स्तोत्र महामंत्रस्य​ । ब्रह्मा ऋषिः । गायत्री छंदः । श्री सरस्वती देवता । धर्मार्थकाममोक्षसिध्यर्थे जपे विनियोगः ॥ (मेधा प्रज्ञान सिध्ध्यर्थे जपे विनियोगः ॥)


ॐ; ऐं ऐं ऐं जाप्यतुष्टे हिमरुचिमकुटे वल्लकीव्यग्रहस्ते ।
मातर्मातर्नमस्ते दहदहजडतां देहि बुध्धिं प्रशस्ताम् ।
विद्ये वेदांत​गीते शृति परिपठिते मोक्षदे मुक्तिमार्गे ।
मार्गातीतस्वरूपे भव मम वरदे शारदे शुभ्र वर्णे ॥ 1 ||


ॐ ह्रीं ह्रीं ह्रीं हृद्यबीजे शशिरुचि मकुटे कल्पविस्पष्टशोभे ।
भव्ये भव्यानुकूले कुमतिवनदहे विश्ववन्द्याङ्घ्रिपद्मे ।
पद्मे पद्मोपविष्टे प्रणतजनमनोमोद सम्पादयित्रि ।
प्रोत्फुल्ले ज्ञानकूटे हरिहरदयिते देवि सम्सार सारे ॥ 2 ||


ॐ क्लीं क्लीं क्लीं सुस्वरूपे दहदह दुरितं पुस्तकव्यग्रहस्ते ।
संतुष्टाकारचित्ते स्मितमुखसुभगे जृंभिणी स्तंभ​विद्ये ।
मोहे मुग्धप्रबोधे मम कुरु कुमतिध्वांत​विध्वंसमीडे ।
गीर्वाग्वाग्भारति त्वं कविवररसने सिध्धिदे सिध्धि साध्ये ॥ 3 ||


ॐ सौः सौः सौः शक्तिबीजे कमलभवमुखांभोजरूपे स्वरूपे ।
रूपे रूपप्रकाशे सकल गुणमये निर्गुणे निर्विकारे ।
नस्थूले नैवसूक्ष्मे2प्यविदितविभवे जाप्य विज्ञानतत्त्वे ।
विश्वे विश्वान्तराळे सकल गुणमये निष्कळे नित्यशुध्धे । 4 ||


ॐ धीं धीं धीं धारणाख्ये धृतिमतिनुतिभिर्नामभिः कीर्तनीये ।
नित्ये2नित्येनिमित्ते मुनिगणविनुते नूतनेवैपुराणे ।
पुण्ये पुण्यप्रवाहे हरिहरविनुते पूर्णतत्त्वे सुवर्णे ।
मातर्मात्रार्थतत्त्वे भगवति मतिदे माधवे प्रीतिमोदे ॥ 5 ||


स्तौमि त्वां त्वांच वंदे मम भज रसनां मां कदाचित्त्वबोधः ।
मामेबुध्धिर्विरुध्धाभवतु मम मनः पाहिमां देवि पापात् ।
मामे दुःखं कदाचित्क्वचिदपिसमये पुस्तके माकुरुत्वम् ।
शास्त्रेवादेकवित्वे प्रसरतु मम धीः मास्तुकुंठा कदाचित् ॥ 6 ||


इत्येतैः श्लोकमुख्यैः प्रतिदिनमुषसि स्तौतियोभक्तिनम्रः ।
वाणीं वाचस्पतेरप्यभिमत​विभवो वाक्पटुर्नष्टपंकः ।
सस्स्यादिष्टार्थलाभैः सुतमिव सततं पालितंचापिदेवी ।
सौभाग्यं तस्य लोके प्रभवति कविता विध्ननाशश्च भूयात् ॥ 7 ||


निर्विघ्नं तस्य विद्या प्रभवति सततंचाशृतग्रन्थबोधः ।
कीर्तिस्त्रैलोक्यमध्ये निवसति वदने शारदा तस्य साक्षात् ।
दीर्घायुर्लोकपूज्यः सकलगुणनिधिः संततं राजमान्यः ।
वाग्देव्याः संप्रसादात्त् त्रिजगतिविजयी जायते सत्सभासु ॥ 8 ||


ब्रह्मचारि व्रती मौनी त्रयोदश्यां निरामिषः ।
सारस्वत जपात् पाठात् सकृदिष्टार्थलाभवान् ॥ 9 ||
पक्षद्वये त्रयोदश्यां एकविंशति संख्यया ।
अविछ्छिन्नं पठेध्धीमान् ध्यात्वा देवीं सरस्वतीम् ।| 10 ||
सर्वपापविनिर्मुक्तः सुभगो लोकविशृतः ।
वान्छितं फलमाप्नोति लोके2स्मिन्नात्र संशयः ॥ 11 ||


इति श्री ब्रह्मांडपुराणे नारद नंदिकेश्वर संवादे ब्रह्मप्रोक्ते विद्यादान वाक्सरस्वतीहृदय स्तोत्रं संपूर्णम् ॥

బ్రహ్మకృత విద్యాదాన వాక్సరస్వతీ స్తోత్రం

బ్రహ్మకృత విద్యాదాన వాక్సరస్వతీ స్తోత్రం
=========================

[ అస్య శ్రీ సరస్వతీ స్తోత్ర మహామంత్రస్య | బ్రహ్మా ఋషిః | గాయత్రీ ఛందః | శ్రీ సరస్వతీ దేవతా | మేధా ప్రజ్ఞా సిధ్ధ్యర్థే జపే వినియోగః || ]
అస్య శ్రీ సరస్వతీ స్తోత్ర మహామంత్రస్య | బ్రహ్మా ఋషిః | గాయత్రీ ఛందః | శ్రీ సరస్వతీ దేవతా | ధర్మార్థకామమోక్షార్థే జపే వినియోగః ||

ఓం ఐం ఐం ఐం జాప్య తుష్టే హిమరుచి మకుటే వల్లకీవ్యగ్రహస్తే |
మాతర్మాతర్నమస్తే దహ దహ జడతాం దేహి బుధ్ధిం ప్రశస్తాం |
విద్యే వేదాంతగీతే శృతిపరిపఠితే మోక్షదే ముక్తిమార్గే |
మార్గాతీత స్వరూపే భవ మమ వరదే శారదే శుభ్రవర్ణే || 1 ||

ఓం హ్రీం హ్రీం హ్రీం హృద్య బీజే శశిరుచిమకుటే కల్పవిస్పష్టశోభే |
భవ్యే భవ్యానుకూలే కుమతివనదహే విశ్వవంద్యాంఘ్రిపద్మే |
పద్మే పద్మోపవిష్టే ప్రణత జన మనో మోద సంపాదయిత్రీ |
ప్రోత్ఫుల్లే జ్ఞానకూటే హరిహరదయితే దేవి సంసారసారే || 2 ||

ఓం క్లీం క్లీం క్లీం సుస్వరూపే దహ దహ దురితం పుస్తకవ్యగ్ర హస్తే |
సంతుష్టాకారచిత్తే స్మితముఖశుభగే జృంభిణీ స్తంభ విద్యే |
మోహే ముగ్ధప్రబోధే మమ కురు కుమతిధ్వాంతవిధ్వంసమీడే |
గీర్వాగ్వాగ్భారతి త్వం కవివర రసనే సిధ్ధిదే సిధ్ధి సాధ్యే || 3 ||

ఓం సౌః సౌః సౌః శక్తి బీజే కమలభవముఖాంభోజరూపే స్వరూపే |
రూపే రూప ప్రకాశే సకల గుణమయే నిర్గుణే నిర్వికారే |
నస్థూలే నైనసూక్ష్మే2 ప్యవిదితవిభవే జాప్య విజ్ఞానతత్త్వే |
విశ్వేవిశ్వాంతరాళే సకలగుణమయే నిష్కళే నిత్యశుధ్ధే || 4 ||

ఓం ధీం ధీం ధీం ధారణాఖ్యే ధృతిమతినుతిభిర్నామభిః కీర్తనీయే |
నిత్యే2నిత్యే నిమిత్తే మునిగణవినుతే నూతనేవై పురాణే |
పుణ్యే పుణ్యప్రవాహే హరిహరవినుతే పూర్ణతత్త్వే సువర్ణే |
మాతర్మాత్రార్థతత్త్వే భగవతి మతిదే మాధవే ప్రీతి మోదే || 5 ||

స్తౌమి త్వాం త్వాం చ వందే మమ భజ రసనాం మా కదాచిత్త్వబోధః |
మామే బుధ్ధిర్విరుధ్ధా భవతు మమ మనః పాహి మాం దేవి పాపాత్ |
మామే దుఃఖం కదాచిత్ క్వచిదపి సమయే పుస్తకే మా కురుత్వం |
శాస్త్రే వాదే కవిత్వే ప్రసరతు మమ ధీర్మాస్తు కుంఠా కదాచిత్ || 6 ||

ఇత్యేతైః శ్లోక ముఖ్యైః ప్రతిదినముషసి స్తౌతి యో భక్తి నమ్రః |
వాణీం వాచస్పతేరప్యభిమత విభవో వాక్పటుర్నష్టపంకః |
సః స్యాదిష్టార్థలాభైః సుతమివ సతతం పాలితం సా చ దేవీ |
సౌభాగ్యం తస్య లోకే ప్రభవతి కవితా విఘ్న నాశశ్చ భూయాత్ || 7 ||

నిర్విఘ్నం తస్య విద్యాప్రభవతి సతతం చాశృతగ్రంథబోధః |
కీర్తిస్త్రైలోక్యమధ్యే నివసతి వదనే శారదా తస్య సాక్షాత్ |
దీర్ఘాయుర్లోకపూజ్యః సకల గుణనిధిః సంతతం రాజమాన్యః |
వాగ్దేవ్యాస్సంప్రసాదాత్త్రిజగతి విజయీ జాయతే సత్సభాసు || 8 ||

బ్రహ్మచారీ వ్రతీ మౌనీ త్రయోదశ్యాం నిరామిషః |
సారస్వత జపాత్ పాఠాత్సకృదిష్టార్థ లాభవాన్ || 9 ||

పక్షద్వవ్యే త్రయోదశ్యాం ఏకవింశతి సంఖ్యయా |
అవిఛ్ఛిన్నం పఠేధ్ధీమాన్ ధ్యాత్వా దేవీం సరస్వతీం || 10 ||

సర్వపాప వినిర్ముక్తః సుభగో లోకవిశృతః |
వాంఛితం ఫలమాప్నోతి లోకే2స్మిన్నాత్ర సంశయః || 11 ||

ఇతి శ్రీ బ్రహ్మాండపురాణే నారద నందికేశ్వర సంవాదే బ్రహ్మప్రోక్తే విద్యాదాన వాక్సరస్వతీ హృదయ స్తోత్రం సంపూర్ణం ||

కృష్ణ! కృష్ణ!!

మృద్వీకారసితా సితా సమశితా స్ఫీతం నిపీతం పయః |
స్వర్యాతేన సుధాప్యధాయి కతిధా రంభాధరః ఖండితః |
తత్త్వం బౄహి మదీయ జీవ భవతా భూయో భవే భ్రామ్యతా |
"కృష్ణ" ఇత్యక్షరయోరయం మధురిమోద్గారః క్వచిల్లక్షితః ?! ||