Thursday, June 11, 2015

శ్రీ గురుచరితం (ద్విసాహస్రి) - 3వ అధ్యాయము

|| అథ తృతీయోధ్యాయః ||




|| నామధారక ఉవాచ ||
త్రయ్యాత్మాసౌ కుతో జాతో భూమౌ నర ఇవేశ్వరః |
యం బ్రవీషి పరం బ్రహ్మ తన్మే శుశ్రూషవే వద || 1 ||

|| సిధ్ధ ఉవాచ ||
ధన్యో2స్యనుగృహీతో2సి యత్తే భక్తిరధోక్షజే |
సంజాతా భవబంధఘ్నీ హర్షో మే2తీవ వర్ధతే || 2 ||
కో2పి గాం పర్యటంతం మాం న పృచ్ఛతి గురోః కథాం |
త్వయ్యాద్య భక్తచంద్రేణ బోధాబ్ధిర్మే ప్రసూరితః || 3 ||
అనంతాః సంత్యనంతస్య లీలాః ప్రశ్నమృతేపి తాః |
న వక్తుర్యాంతి నిజధీ-పరిణామవిధిం స్మృతిం || 4 ||
కలౌ తు నాస్తికా మర్త్యాః తత్కథాశ్రవణాత్మకం |
ప్లవం తర్తుం భవాబ్ధిం నో విదుర్మజ్జంత్యతో2త్ర తే || 5 ||
యత్రాంబ్వవిత్తు తుష్ణోర్మిర్గ్రహాః కామదయో ధ్వనిః |
భోగో2పారే2త్ర నౌస్త్వేషా గురుర్నేతా కృపామరుత్ || 6 ||
తస్మాద్దిష్ట్యా సాధనాని ప్రాప్తాన్యత్రాప్యయత్నతః |
తరిష్యసి భవాబ్ధిం స్రాగతో వక్ష్యే కథాః శృణు || 7 ||
ఇత్యుక్త్వా2మరజాభీమాసఞ్గమే హ్యుపవిశ్య సః |
గుర్వధిష్ఠితకల్పద్రు-మూ2లేస్మై ప్రాహ సత్కథాః || 8 ||
ముముక్షుభేషజం ముక్త-జీవనం విషయీష్టదం |
శ్రీగురోశ్చరితం వాఘృద్దూరత్వాద్వచ్మి తే2ల్పకం || 9 ||
జగత్యేకార్ణవీభూతే శేషతల్పశ్రితో2స్పృహః |
నారాయణో జగత్స్రష్టుం మాయాముద్భావ్య సో2డజం || 10 ||
స్రష్టారం వ్యసృజత్సృష్ట్యై సప్తర్షీన్ సో2పి మానసాన్ |
తత్రైకో2త్రిస్తపశ్వీశో యస్యాభూద్భగవాన్ సుతః || 11 ||
ఋషేరత్రేస్తపో2ర్థస్య పాతివ్రత్యవిభూషితా |
ఆసీద్భార్యా2నసూయాఖ్యా త్రిలోక్యాం విశృతా సతీ || 12 ||
జాతోర్వీ మృదులార్కాగ్రీ శీతౌ మందో మరుద్భియా |
తస్యా దేవ్యాః పదాపాయ-భ్రాంత్యా22పుః శరణం హరిం || 13 ||
ఏకదా నారదో2ప్యేత్య తద్ధర్మాన్ బ్రహ్మవిష్ణ్వజాన్ |
ప్రాబ్రవీన్నేదృశీ సాధ్వీ సర్వదా2భ్యాగతప్రియా || 14 ||
ఇతి ఋషేర్వాక్యమాకర్ణ్య విషీదంత్య ఉపస్థితాః |
తద్దేవ్యో2సహమానా ద్రాగ్బభూవుర్మూర్ఛితా భృశం || 15 ||
పతివ్రతామానినీస్తాః సావిత్రీశ్రీశ్వరీస్త్రయః |
ఆశ్వాస్యాతిథివద్భూత్వా రోషాచ్ఛప్తుం సతీం యయుః || 16 ||
పతివ్రతాపి తాన్ దృష్ట్వా స్వాశ్రమాభ్యాతాన్ సురాన్ |
ప్రత్యుద్గత్వా సమానీయ స్వాసనే సమ్న్యవేశయత్ || 17 ||
వీజితాన్ కృతపచ్ఛౌచాన్ సూపవిష్టాన్ జగౌ సతీ |
స్వాగతం వో2ద్య కిం కార్యం మునిస్తు తపసే గతః || 18 ||
త ఊచుః సాద్వ్హి నో విద్మః తపః సక్తమనా మునిః |
కదా22యాతీత్యతో దేహి క్షుధితేభ్యో2న్నమాశ్వలం || 19 ||
ఇతి శృత్వా గిరస్తేషాం తథేత్యుక్త్వా గృహం గతా |
పాత్రాణ్యాసాద్య తేభ్యో2న్నం పరివిష్టం న్యవేదయత్ || 20 ||
త ఆహుః సాధ్వి నో దేహి నగ్నా భూత్వేత్యపేక్షితం |
నేదం చేద్రోచతే2న్యత్ర గచ్ఛామః క్షుధితా ఇతః || 21 ||
తచ్ఛృత్వాపి ప్రహస్యైషా ఋషేః సఞ్గాత్తపస్వినః |
పూతాయా మమ కామేన కిం భవేచ్చే2త్తథాకృతే || 22 ||
శప్త్వా గచ్ఛంతి విముఖా మహాంతో2మీ మమాత్మజాః |
ఇతి స్వగతముద్భావ్య తథేత్యుక్త్వాశుకం జహౌ || 23 ||
తదైవ తే2భవన్ బాలా నిర్వికారా అపీశ్వరాః |
జగత్సృడీశ్వరహరాః పాతివ్రత్యప్రభావతః || 24 ||
తాన్సా తథావిధాన్ ప్రేక్ష్య సచిత్రాభూద్భృతాంశుకా |
పయః ప్రసూత్యా ఇవాస్యాస్తదాలం స్తనతో2స్రవత్ || 25 ||
సపద్యోవాద్భుతావిష్టా ప్రేమ్ణా హృష్టతనూరుహా |
ప్రత్యేకం పాయయామాస క్షీరం తే2పి పపుర్ముదా || 26 ||
జగదుత్పత్తికరణ-సుశ్రాంత ఇవ విశ్వసృట్ |
పీత్వా పతివ్రతాస్తన్యం పరమాం శాంతిమాయయౌ || 27 ||
విశ్వంభరో-విశ్వరక్షా-క్రియాత్రస్త ఇవామలం |
పతివ్రతాపయః పాస్య పీనాం విశ్రాంతిమావిశత్ || 28 ||
హరస్తు విశ్వసమ్హార-కర్మతష్ట ఇవ క్షణాత్ |
సంత్యౌధస్యాశనాత్తృప్తః పుష్టివర్ధనతాం యయౌ || 29 ||
స్వధర్మజ్ఞాతతత్సత్త్వా పాయయిత్వా2పి తాన్యపః |
సా జగౌ తత్కథోద్ఘాతం ప్రేమ్ణా విన్యస్య పాలకే || 30 ||
అత్రాంతరే వనాదేత్య శృతగీతః సతీముఖాత్ |
సర్వం శృత్వేశ్వరాన్ జ్ఞాత్వా ధ్యానాన్నత్వా2స్తువన్ మునిః || 31 ||
విశ్వసర్గస్థితిప్రాంత-నిదానం విశ్వసాక్షిణం |
విష్ణుం విశ్వంభరం వందే విశ్వాద్యం విశ్వసంగ్రహం || 32 ||
తపస్తప్తం యదర్థం స త్వమేకో2పీశ లీలయా |
త్రిధా భూత్వాత్మనాత్మానం స్వైర్గుణై రమయస్యుత || 33 ||
అధ్యారోపాపవాదాభ్యాం సముద్భూతం జగత్తతః |
అహం మమాభిమానేన పార్థక్యం తస్య నాపరం || 34 ||
ఇతి స్తువతి తస్మిన్స్తే పాలకే బాలరూపతః |
స్థితా అప్యాద్యరూపైః స్వైః స్థిత్వోచుస్తం వరం వృణు || 35 ||
స ప్రాహ సాధ్వీం సుభగే బ్రహ్మవిష్ణుమహేశ్వరాః |
త్వద్భక్త్యాప్తా మనోదూరా అతో2భీష్టం వరం వృణు || 36 ||
సా2ప్యాహ సుతపః సృష్ట్యై త్రిధాభూతేన వై భవాన్ |
సృష్టో2మునాముమేవాతః పుత్రత్వేన వృణోత్వజం || 37 ||
ఋషిః సో2పీదమేవేష్టం మత్వా వవ్రే తదేవ హి |
విష్ణుః సర్వాత్మనా2హం తే మయా దత్తః కిలాబ్రవీత్ || 38 ||
పతివ్రతాప్రభావో2యం బాలా భూత్వేశ్వరాః స్థితాః |
స్వస్వప్రాగ్రూపతో2ప్యేతే స్వం స్వం స్థానం యయుస్త్రయః || 39 ||
పృథఞ్ నామాని బాలేభ్యో దదౌ తేభ్యో2ర్థవిన్మునిః |
పూర్ణత్వేన మయా2హం తే దత్త ఇత్యుక్తవాన్ స్వయం || 40 ||
భగవానితి నామ్నైనం మునిర్దత్తం చకార సః |
బ్రహ్మాంశం చందనాచ్చంద్రమౌగ్రం దుర్వాససన్ తథా || 41 ||
త్రయాణామప్యయం సాక్షాత్ దత్తస్తు భగవాన్ స్వయం |
శృత్యన్విష్టాఞ్ఘ్ర్యబ్జరేణుః సచ్చిదానందవిగ్రహః || 42 ||
సదేష్టయోగసం విద్దః స్మర్తృగామీ క్షణే క్షణే |
చణ్డో2ప్యన్యో2నుగ్రహాశీచ్చంద్రో జననవర్ధనః || 43 ||
దుర్వాసః శాపమాశృత్య భూదేవార్థమనంతశః |
ధృత్వావతారాన్ కార్యాంతే లీలాకాయాన్ జహాత్యజః || 44 ||
పురానుగ్రహకార్యార్థం అవతీర్ణః స్వయం కిల |
దత్తరూపేణ కార్యస్య నిత్యత్వాన్నాముమత్యజత్ || 45 ||

|| నామధారక ఉవాచ ||
కృతో దుర్వాససా శప్తః శాపో2వ్యక్తే కథం వద |
లగ్నః పరావరే2ముం మే సంశయం ఛేత్తుమర్హసి || 46 ||

|| సిధ్ధ ఉవాచ ||
భక్తాధీనతయాత్వేష భగవాన్ భక్తిభావనః |
అవ్యక్తో2ప్యస్తి సువ్యక్తః పూర్ణా2తో2త్ర సహిష్ణుతా || 47 ||
పురాంబరీషనామైకో భక్తో భాగవతోత్తమః |
ఏకాదశీవ్రతపర ఆసీదభ్యాగతార్చకః || 48 ||
ఏకదా వ్రతభఞ్గాయ పారణాహే తదాలయం |
చణ్డః ప్రాప్యాహ దుర్వాసా భోజనం మే2ర్పయేతి చ || 49 ||
దాస్యామీత్యుక్తవత్యస్మిన్ గత్వా స్నాతుం నదీమరం |
ఛిద్రాన్వేషీ తత్ర తస్థౌ తరితుం పారణాక్షణం || 50 ||
సో2ప్యభుక్తే మునౌ భోజ్యం నాన్యథా వ్రతభఞ్గభీః |
తీర్థాత్తూభయసిధ్ధిర్మ ఇతి మత్వా పపౌ జలం || 51 ||
తదైత్యాహ మునిః పీతం హిత్వా మాం క్షుధితం యతః |
దుర్భగానేన దోషేణ భ్రమిష్యసి భవే భవే || 52 ||
ఇత్యుక్తః సో2ప్యజం భీతో దధ్యౌ స్వకులదైవతం |
స్వదాసజీవనం విష్ణుం సోప్యాగత్యాహ తం మునిం || 53 ||
మునే మోహం న తే వాక్యం శాపం దేహి తమేవ మే |
నాయం సోఢుం ప్రభుర్భక్త-వాత్సల్యాన్మే సహిష్ణుతా || 54 ||
ఇత్యాకర్ణ్య మునిర్మత్వా భువ్యయం దుర్లభో నృణాం |
అంబరీషప్రభావేణ శాపసంబంధకారణాత్ || 55 ||
భవిష్యత్యత్ర సులభస్తచ్ఛపామ్యేనమిత్యసౌ |
తం శశాపాప్యజః శాపాత్ బహుధావతరత్యజః || 56 ||
అస్యావతారా మత్స్యాద్యాః పురాణోక్తా హి విశృతాః |
ద్వివారమావిరాసీత్స దీనాన్ త్రాతుం జనాన్ కలౌ || 57 ||
అద్యాపి తౌ కామదౌ స్తః పామరాగోచరౌ కలౌ |
యతకాలకలౌ ద్రాక్శం సిధ్ధ్యేన్నాన్యదతో2వితః || 58 ||

|| ఇతి శ్రీగురుచరితే జ్ఞానయోగే దత్తావతారకథనం నామ తృతీయోధ్యాయః ||

Wednesday, June 10, 2015

శ్రీ గురు చరితం (ద్విసాహస్రి) - 2వ అధ్యాయము

|| అథ ద్వితీయో2ధ్యాయః ||



తత ఉత్థాయ నాలోక్య స్వప్నే దృష్టం ద్విజోభితః |
ధ్యాత్వా వ్రజన్ దదర్శాగ్రే దయార్ద్రం యోగినం సమం || 1 ||
అభివాద్య స తం హర్ష-పులకోద్గమశోభితః |
ప్రేమగద్గదయా వాచా వక్తుం సముపచక్రమే || 2 ||
మాతా పితోపదేష్టా భీ-హర్తా భర్తాపి మే భవాన్ |
క్వాయాతో2స్తి కుతో గంతా దిష్ట్యా మే2ద్యాక్షిగోచరః || 3 ||
కాలే2నుకూలే ప్రతీపే నా స్వైః సద్భిశ్చ యుజ్యతే |
నిస్సంగస్య ముమూర్షేర్మే సర్వ ఏవాద్య వై భవాన్ || 4 ||
నామధారకశర్మాహం విప్రస్తప్తో2త్ర సద్గురుం |
ద్రష్టుకామో2యనే క్లేశాన్ముమూర్షురభవం ప్రభో || 5 ||
ఇంద్రియోచ్ఛోషణం శోకం కో2పి హర్తుం న మే ప్రభుః |
జానే త్వమేవ శక్నోషి హృష్టం దృష్ట్యైవ హృద్ధి మే || 6 ||

|| సిధ్ధ ఉవాచ ||
యోగిధ్యేయస్త్రిమూర్త్యాత్మా యద్భక్తా భుక్తిముక్తిగాః |
యో2స్తి భీమాతటే2సౌ తచ్ఛిష్యః సిధ్ధో ధరాచరః || 7 ||

|| నామధారక ఉవాచ ||
సద్గురుః సో2పి భగవానస్మాకం కులదైవతం |
శ్రధ్ధాభక్త్యా భజే తం మాం కష్టాబ్ధౌ మజ్జయత్యహో || 8 ||

|| సిధ్ధ ఉవాచ ||
స సద్గురుస్త్రిమూర్త్యాత్మా రుష్టేష్వన్యేష్వయం ప్రభుః |
కో2పి నాస్మిన్లౌకికే2పి నేష్టో2స్యాసీతి భాతి మే || 9 ||
సంశయాత్మా2శ్రద్ధధానః క్వాపి కైర్నైవ గోప్యతే |
త్రయ్యాత్మశ్రీగురుస్త్యక్త-సంశయాత్మేశ్వరో2త్ర కః || 10 ||

|| నామధారక ఉవాచ ||
రుష్టే2పి లౌకికే నేశః కో2పీత్యుక్తం వదస్వ చేత్ |
ప్రాగ్వృత్తం చైష త్రయ్యాత్మా కథం మే ఛింధి సంశయం || 11 ||

|| సిధ్ధ ఉవాచ ||
పురా నిరాశిషో2ప్యేకో బహుస్యామిత్యభూన్మతిః |
యా యోగనిద్రితస్యైషా విష్ణోర్మాయా2నయా జగత్ || 12 ||
సృష్టం ప్రాఞ్నాభికమలాత్ అభవశ్చతురాననః |
దదౌ తస్మై వినీతాయ వేదాంస్తైరసృజజ్జగత్ || 13 ||
కృతం త్రేతాం ద్వాపరం చ సధర్మం వ్యసృజత్కలిం |
వర్ణాశ్రమవిభాగేన మనుష్యస్థితిహేతవే || 14 ||
వైరాగ్యజ్ఞానవాన్సత్యః సత్యవాగ్యజ్ఞసూత్రభృత్ |
యజ్ఞసంభారధృక్త్రేతా ద్వాపరస్తు సుశస్త్రభృత్ || 15 ||
పుణ్యపాపోగ్రతాశాంతి-దయానైష్ఠుర్య సంయుతః |
కలిస్తు లిఞ్గజిహ్వాభృత్కచ్చరో2సన్ పిశాచవత్ || 16 ||
ఏకైకం యతకాలం కౌ ప్రేరయద్ద్విశ్వహేతవే |
ప్రయాణకాలే కలయే ప్రోక్తాం గురుకథాం శృణు || 17 ||

|| కలిరువాచ ||
కథం యాస్యే వృషపర-ప్రశాంతజనసేవితాం |
భువం శృత్వాపి మే చేతః ఖిద్యతే2ఞ్గం చ తప్యతే || 18 ||
ఛేత్తాహం ధర్మసేతోః శుక్కలహద్వేషతాపకృత్ |
భ్రాతాన్యస్త్రీస్వహర్తా మే షడ్-ద్విడ్భాక్ప్రాణవల్లభః || 19 ||
క్షతవ్రతో2పి మే ప్రాణో నాస్తికో2ధార్మికో2పి మే |
యే స్థితా భారతే వర్షే ధార్మికాస్తే మమారయః || 20 ||
గుర్వీశదేవసద్విప్ర-పితృధర్మపరేక్షణాత్ |
బాహిర్యాంత్యసవో మే2పి యోగిజ్ఞానీక్షణాత్క్షణాత్ || 21 ||

|| బ్రహ్మోవాచ ||
ఆసుర్యా సంపదా గచ్ఛ వశా లోకా భవంతి తే |
శతాయుర్హి నరః కో2పి ధన్యో భూయాన్న తం జహి || 22 ||
గుర్వీశదేవసద్విప్ర-పితృధర్మపరో నరః |
త్వద్దోషైర్లిప్యతే నైవ గురుభక్తో విశేషతః || 23 ||
నాంబునాబ్జదళం యద్వల్లిప్యతే2ఘైర్గురుప్రియః |
నైవ జేతుం గురోర్భక్తం దేవా అపి న శక్నుయుః || 24 ||

|| కలిరువాచ ||
గురుర్వరో2మరేభ్యో2పి కథం వద హి యత్ప్రియః |
కేనాప్యజేయ ఇత్యేతత్ప్రాగ్వృత్తం క్వాపి చేద్ద్వద || 25 ||

|| బ్రహ్మోవాచ ||
జ్ఞానం గురుం వినా న స్యాత్ యస్య కస్యాపి నిర్జరాః |
గురుభక్త్యైవ సిద్ధార్థాః స్యుస్తతో2ప్యధికో గురుః || 26 ||
పురా గోదావరీతీరే వేదధర్మైకదా మునిః |
బహుశిష్యప్రశిష్యస్తన్నిష్ఠాం జ్ఞాతుమిదం జగౌ || 27 ||
తపసా క్షాళితం పాపం బహు ప్రారబ్ధమస్తి మే |
తద్భోగ్యం వ్యాధిరూపేణ కాశ్యాం కస్తత్ర రక్షకః || 28 ||
గలత్కుష్ఠాభిభూతస్య మమ దంశాదివారణైః |
క్షాళనైరన్నదానైశ్చ ప్రేమ్ణా కస్తత్ర రక్షకః || 29 ||
ఇతి తస్య వచః శృత్వా తూష్ణీం తస్థుర్భియాఖిలాః |
తత్రైకో దీపకో నామ శిష్య ఊచే2భివాద్య తం || 30 ||
న శేషయేద్ధోషశేషం మోక్షవిఘ్నం భవత్కృతం |
మమాత్మనైవ భోక్ష్యే2హమనుజ్ఞాం దాతుమర్హసి || 31 ||

|| గురురువాచ ||
భోక్తవ్యం స్వయమేవాఘం నాన్యద్వారేణ తత్క్షయః |
అతః కష్టేన తద్భోక్ష్యే కాశ్యాం శక్తో2సి చేదవ || 32 ||
ఇత్యుక్తం గురుణాశృత్య కాశీం తేన సమం యయౌ |
కుష్ఠీ భూత్వాపి సోం2ధో2ఘం బుభుజే భేజ ఏష తం || 33 ||
గురుర్గలద్వ్రణత్రస్తః కార్యాకార్యజ్ఞ ఏవ సన్ |
ప్రతీపాచరణైః శిష్యం శశ్వద్వ్యర్థం వ్యతాడయత్ || 34 ||
స సేవావసరే భిక్షాం సేవాం భిక్షాక్షణే2పి తం |
యయాచే2హనదప్రాప్తౌ నాఖిద్యత సదాప్యసౌ || 35 ||
దత్తాం యాచితకాం భిక్షాం మునిస్తద్దోషకీర్తనాత్ |
భూమౌ ప్రక్షిప్య రుష్టో2న్నం స్వాద్వానీహీత్యువాచ తం || 36 ||
భిక్షార్థమపి గచ్ఛంతం నివర్త్యోచే కృతా న మే |
విణ్మూత్రోత్సర్గసంశుద్ధిః క్వ యాస్యశ్నంతి మక్షికాః || 37 ||
యథోక్తం కర్తుముద్యుక్తం నివార్యోచే న వేత్సి మాం |
క్షుధా కణ్ఠగతప్రాణం దేహ్యన్నం పాప మే ద్రుతం || 38 ||
భుక్త్వా యాచితకాన్నం స కదాచిత్తాత పుత్రక |
క్షాంతో2సి మే స్వపేత్యుక్త్వా సుప్తే2స్మిన్ క్షుధితో2బ్రవీత్ || 39 ||
ఏవం సంఛలితోపేష్య భేజే2ఖేదో2నిశం గురుం |
విస్మృతస్వాత్మయాత్రో2పి మత్త్వా సర్వామరేశ్వరం || 40 ||
గఞ్గాంభో గురుపాదాంభః సాక్షాద్విశ్వేశ్వరం గురుం |
సర్వానందనిధిం బుద్ధ్వా మనో న క్వాప్యచోదయత్ || 41 ||
గురుభక్తిసుపూతో2భూత్ జ్ఞాత్వా విశ్వేశ్వరో2ప్యముం |
ప్రాప్యోచే వరదో2స్మీష్టం వరం వరయ తే2స్తు శం || 42 ||
దీపకో2ప్యాహ కిం కార్యం వరేణ గురవస్తు మే |
రుక్శాంత్యై వరమిచ్ఛామి యది పృష్ట్వా వృణోమి తత్ || 43 ||
ఇత్యుక్త్వైత్య శశంసాస్మై గురుస్తప్తో2బ్రవీత్స తం |
భోగాదేవ క్షయం నేష్య సేవాయాం మే బిభేష్యపి || 44 ||
తచ్ఛృత్వా స తథేత్యుక్త్వా శివమేత్యాబ్రవీద్వరం |
న గుర్వసమ్మతం కాఞ్క్షే తచ్ఛృత్వాగాత్స దుర్మనాః || 45 ||
నిర్వాణమణ్డపం గత్వా ప్రాహ విష్ణుముఖామరాం |
చణ్డో మునిర్వేదధర్మా రుగ్ణస్తచ్ఛిష్య ఉత్తమః || 46 ||
గురుభక్తః కంబలాశ్వతరాసన్నో2స్తి దీపకః |
వరం దాతుమగాం ప్రేమ్ణా నాదదే స గురూద్యతః || 47 ||
ఇతి శృత్వేశవాక్యం స ద్రష్టుకామో హరిర్యయౌ |
విష్ణుర్దీపకమాహాఞ్గ వరదో2స్మి వరం వృణు || 48 ||
తపసాష్టాఞ్గయోగైశ్చ సూపాయైర్మననాదిభిః |
ఉపవాసైర్వ్రతైర్యోగైః ధర్మైర్గమ్యో2స్మి నో నృణాం || 49 ||
గురుసద్విప్రభక్తస్య మన్మయాభ్యంతరాత్మనః |
నిర్ద్వంద్వస్యా2పి సాధ్వ్యాశ్చ విష్ణుర్దర్శ్యో2స్మి సర్వదా || 50 ||
తస్మాత్కష్టేన సుభగ సద్గురుః సేవితస్తయా |
తేనైవ పరితుష్టో2స్మి వరం వరయ మత్ప్రియ || 51 ||

||దీపక ఉవాచ ||
శ్రీసద్గురుర్దేవదేవో యతో జ్ఞానం తతో2మృతం |
అతో2ధికం కిమస్మాకం భవంతి త్వాదృశా వశాః || 52 ||
చేద్విశ్వేశో యథా యాతస్తథా గంతుం న రోచతే |
గురావేవాచలాం భక్తిం దేహ్యన్యన్న వృణే2ధృవం || 53 ||

|| విష్ణురువాచ ||
శ్రధ్ధాభక్తిః సదా తేస్తి దాస్యే2ప్యన్యదయాచితం |
దత్తా భుక్తిశ్చ తే ముక్తిః సత్కీర్తిః స్మర్తృతాపహృత్ || 54 ||
యః స్తౌతి సద్గురుం భక్త్యా వేదోపనిషదాదిభిః |
తుష్టిర్మే తేన దాస్యైశ్చ సాన్నిధ్యం తస్య మే సదా || 55 ||
కాలాదపి భయం నాస్తి కుతోన్యస్మాత్తు సిద్ధయః |
స్యుస్తద్వాస్యో2ధికం నాత ఇత్యుక్త్వాంతర్దధే హరిః || 56 ||
శిష్యో2పి గురవే సర్వం శశంస స తు తత్క్షణం |
ప్రీతః సుఖాకరకరం దధౌ తన్మూర్ధ్ని సద్గురుః || 57 ||
తేన సద్యో2భవచ్ఛిష్యో వేదవేదాఞ్గపారగః |
కుశలః స్మర్తృతాపఘ్నో జీవన్ముక్తో2ఖిలప్రియః || 58 ||
కాశీప్రభావమాదేష్టుం శిష్యభావం పరీక్షితుం |
వేదధర్మా2భవత్కుష్ఠీ పాపశఞ్కా కుతో మునేః || 59 ||
ఇత్యాద్యా భూరిశో వృత్తాః కలే గురుకథా భువి |
వక్తుశ్రోతుమలఘ్న్యో2తో భక్తం మా ప్రేక్ష్య గాం వ్రజ || 60 ||
ఇత్యాదిష్టః కలిర్ధాత్రా భువమేత్య తథా2కరోత్ |
మహిమా లౌకికస్యాయం కిం పునస్త్ర్యాత్మసద్గురోః || 61 ||
తత్సాత్వికీం ధృతిం లబ్ధ్వా దృఢభక్త్యైవ సద్గురుం |
భజంతి కృతకృత్యాస్తే భవంతి న ససంశయాః || 62 ||
తస్మాద్యదీచ్ఛసి శ్రేయః శ్రధ్ధయా2సంశయం భజ |
గురుం నృధామ్నా క్రీడంతం భవాబ్ధేః పారమేష్యసి || 63 ||

|| ఇతి శ్రీగురుచరితే గురుశిష్యచరితానుకథనం నామ ద్వితీయో2ధ్యాయః ||

Tuesday, June 9, 2015

శ్రీ గురు చరితం (ద్విసాహస్రి) - 1వ అధ్యాయము

|| ప్రథమోధ్యాయః ||



నౌమ్యుదేతి యదజ్ఞానాత్ జగద్రజ్జ్వహివత్పునః |
యత్తత్త్వం మీలతి జ్ఞానం తం చిదానందసద్గురుం || 1 ||
భాత్యనేకవదేకం సత్ ధీభేదాదేకరూపయా |
విదాస్యైక్యం పరం బ్రహ్మ తత్సత్యం దత్తసంజ్ఞితం || 2 ||
బోధ్ధుం భూత్వాత్రిపుత్రః స్వపదరసపరాన్ దివ్యయోగేన బాలాన్ |
దత్తాఖ్యః కార్తవీర్యం యదుమపి చ సమాన్ స్వాశ్రితానుద్దధార |
భూయో2న్యాన్ శ్రీపదాఖ్యః పునరపి నృహరిః సంజ్ఞయా స్వీయభక్తాన్ |
కృష్ణాభీమాతటస్థో జయతి పరగురుః స్మర్తృగామ్యేష దత్తః || 3 ||
యో2జో2క్రియో2స్పృహో2ప్యేకో బహుః స్యామితి తృష్ణయా |
ప్రకృత్యా గుణమయ్యేదం తతానేశో జగత్ప్రభుః || 4 ||
ఆబ్రహ్మస్తంబపర్యంతం దేహబుధ్ధీంద్రియాత్మకం |
సృష్టం చరాచరం తత్ర సంవిత్పాత్రం నరోత్తమః || 5 ||
ఇంద్రియార్థే స్థితౌ రాగద్వేషౌ యేన జితౌ స తు |
దైవీసంపల్లభేన్మోక్షం తదర్థం సంభవత్యజః || 6 ||
గాఢం ప్రియో2స్య భగవాన్స్తస్యాయమపి తాదృశః |
గుప్త్యా అవతరస్తస్య లీలాధామ్రాప్యజో2వ్యయః || 7 ||
యుగే యుగే2వతీర్యాపి కార్యాంతే వ్యసృజత్తనూః |
ఏవం బ్రహ్మే2హ్ని సంప్రాప్తో యుగాష్టావింశపర్యయః || 8 ||
దారుణే2స్మిన్ కలౌ ప్రాప్తే జ్ఞాత్వా స్వాంశాంశజోతయః |
దయోనా ఇత్యావిరాసీత్ దత్తస్తు భగవాన్స్వయం || 9 ||
స కృష్ణామరజాతీర-విహారీ లోకపావనీః |
భిక్ష్వాత్మనాత్ర సల్లీలాః కృత్వా2దృశ్యో2స్తి తత్ర హి || 10 ||
ఓంకారోచ్చారణం జాతమాత్రేణ నయనం తథా |
స్వర్ణతామయసో2భ్యాసమృతే2పి బ్రహ్మపాఠనం || 11 ||
తత్త్వోపదేశనం పిత్రోర్బాల్యే తీర్థాటనం తథా |
యోగాఖ్యాపనసంన్యాస-వర్త్మసంస్థాపనే2న్యథా || 12 ||
కథం భావ్యం ద్రాగ్ధరణం ప్రతీపాచరణై రుజః |
తథా2వాచో2పి విద్వత్తా-దానం స్రగ్విప్రదుర్గతేః || 13 ||
హరణం త్రిస్థలీయాత్రా-చరణం మృతజీవనం |
వశాగోదోహనం విశ్వ-రూపావిష్కరణం యతౌ || 14 ||
విద్వద్గర్వాపహరణం నింద్యాస్యాద్వేదవాచనం |
విశ్వస్తాయా అవైధవ్య-దానం కర్మప్రకాశనం || 15 ||
జరదేధఃపల్లవతాం నయనం నిష్కలస్త్రియై |
సుప్రజస్త్వార్పణం కుష్ఠ-హరణం దృష్టిమాత్రతః || 16 ||
క్షణే2ష్టగ్రామగమనం ఛిన్నసస్యవివర్ధనం |
ఇత్యాదికం కృతం దివ్యం కరోతి చ కరిష్యతి || 17 ||
భపార్థివరజోం2బ్వంశ-గణకాః సంతు కుత్రచిత్ |
భూయో2గణేయోరుగుణ-గుణాన్ గుణయితుం హ్యలం || 18 ||
లీలాప్రాదుష్కృతగుణ-రూపో2రూపో2గుణోప్యరం |
శ్రవః సృత్యా ప్రవిశ్యాంతర్భక్తస్యాఘం ధునోత్యజః || 19 ||
తదేకనిష్ఠః పూతాత్మా జీవన్ముక్తో భవేత్తతః |
నిర్ద్వంద్వస్యారబ్ధభుజో దేహః పతతి వా న వా || 20 ||
(క్షేపకః)
తత్రాజ్ఞానసముత్పన్న-ద్వంద్వాభావః ప్రవర్తతే |
ప్రారబ్ధాంతే స యాత్యేవ కైవల్యం పదముత్తమం |
అయం హి బ్రహ్మభూయాప్తి-సత్పథో నాక్షిగోచరః |
మోహాంధానామసత్సంగ-వివేకానాం కుసంపదాం || 21 ||
కృతస్వవర్ణాశ్రమదృష్టకర్మా విద్వాన్ సదిష్టో గురుదేవభక్తః |
ఇహైవ భుక్తిం చ లభేత ముక్తిం సంన్యాసనేనైవ పథా స యోగీ || 22 ||
ఏవం సువృత్తం మహిమానమీశితుః శృత్వాస్య భీమామరజాగమే యయౌ |
కశ్చిద్భవభ్రష్టమనాః స్తువన్ గురుం తప్తః శరణ్యం శ్రితకల్పశాఖినం || 23 ||
గణేశం శారదాం నత్వా శ్రీగురుం నామధారకః |
ద్విజస్తుష్టావ ఘోరే2త్ర నృధామ్నా విశృతం హరిం || 24 ||
సర్వజ్ఞ మా న జానీషే విశ్వసాక్షిన్న చేక్షసే |
విలాపో న శృతో విష్ణో మమ శృత్వాప్యుపేక్షసే || 25 ||
చేత్ జ్ఞాతే2త్ర క్వ వైక్లవ్యం కథం దైన్యం త్వయేక్షితే |
శృతేచ్చ్ఛుక్కుతో2ప్యర్హా త్వయ్యుపేక్షా దయానిధే || 26 ||
సర్వదేవేశ్వరో2పి త్వం త్వం నో2పి కులదైవతం |
త్వాం హిత్వా కతమం యాచే వేద్మీశంత్వాపి వేత్సి మాం || 27 ||
సర్వో2పి వేత్తి భూపం న భూపః సర్వన్తథోచితం |
అజ్ఞే తు త్వయి సర్వజ్ఞే కథం శ్లాఘ్యమిదం ప్రభో || 28 ||
నాసేవకాయాదాత్రే2పి చేద్దాస్యస్యుచితం న తత్ |
సేవేచ్ఛుః శ్రీశ కిం దాతా తద్వత్ప్రత్యుపకార్యపి || 29 ||
జ్యోతిర్ద్యోతమిహాబ్దోంబు సేవోనే2ర్పయతి ధృవే |
పదం బిభీషణే2దాత్రోర్దత్తం మే దేహ్యతః ప్రియం || 30 ||
నిధయస్తే2నుగా దాస్యః సిధ్దయః శ్రీస్తు కిఞ్కరీ |
తత్తే కిం భగవన్ దేయం కిం కార్యం పరిపూర్ణ తే || 31 ||
స్వసేవకకులం భూమౌ పాలయంతి నృపా అపి |
కుతో మోపేక్షసే దీనం మత్పూర్వార్చిత విశ్వభృత్ || 32 ||
దేవేశ మే2పరాధైశ్చేత్ ఆయాస్యంతర్విషాదతాం |
పత్తాడితార్భకైః కిం ను ప్రసూ రూష్యతి మానుషీ || 33 ||
జీవనం పితరౌ యత్ర భిన్నావన్యంతరాచ్ఛిశోః |
త్వం తూభయం మే కిం కార్యం నిర్ఘృణే విశ్వభూత్త్వయి || 34 ||
సాహసం కురు మేత్యుక్త్వా యథా దారు భినత్తి విః |
తథా సాహజికైర్దోషైః నిందామ్యమ్హః కరోమ్యహం || 35 ||
ఆఘే పుణ్యవతః ప్రోక్తం ప్రాయశ్చిత్తమవేక్ష్య మాం |
ఆరాత్పలాయతే భీత్యా శార్దూలమివ శృఞ్గిణీ || 36 ||
మాలిన్యదోషభీత్యా తు మాషరాశేః పృథక్కిము |
కార్యం జపో మదఞ్గాఘాత్ కిం కరోతి పృథగ్ఘరే | 37 ||
మాదృక్పాపో హరే నాస్తి భవాదృఞ్ నాస్తి పాపహా |
పాహ్యనన్యాశ్రయం దీనం త్యక్త్వౌదాసీన్యమీశ మాం || 38 ||
ద్రవంత్యపి శిలాః శృత్వా మద్విలాపం దయానిధే |
కారుణ్యం తే కుతో యాతం మ్రియమాణం న వేత్సి యత్ || 39 ||
ఏవం విలాప్య మార్గే2సౌ గురుధ్యానైకతానహృత్ |
తస్థౌ ప్రాయోపవేశేన దైవాత్స్వప్నస్తదాభవత్ || 40 ||
ధేనుర్వత్సం యథోపైతి భగవాన్ భక్తవత్సలః |
ప్రాప్యావధూతవేషేణ స్వప్నే2ముం పర్యతోషయత్ || 41 ||

|| ఇతి శ్రీగురుచరితే చరితానుసంధానం నామ ప్రథమో2ధ్యాయః ||

Thursday, June 4, 2015

శ్రీ గురు చరితం (ద్విసాహస్రి) - శ్రీగురుస్తుతిః

శ్రీ గురు దత్త | జయ గురు దత్త ||

శ్రీ గురుస్తుతిః

మంగళాచరణం |
శ్రీవైష్ణవైశగాణేశ సౌర్యశాక్త్యాదిక రూపధృక్ |
దత్తాత్రేయో2స్త్వజో2నంతః సదా మే హృది సద్గురుః || 1 ||
యో2జో2నంతో2గుణో2రూపో నిస్తుడేకో2క్రియో2సృజత్ |
విశ్వం ధృత్వా షోడశాంశం పురూపం యోగమాయయా || 2 ||
దృశ్యతే జ్ఞానదృష్ట్యా యత్ సహస్రాక్షిశిరో2ఙ్ఘ్రి సత్ |
రూపం యదఙ్గసంస్థానైర్లోకవ్యాసః ప్రకల్ప్యతే || 3 ||
నానావతారబీజం యదనంతం యత్కలాముఖైః |
దేవతిర్యఙ్ముఖం సృష్టమస్వతంత్రం జగత్పురు || 4 ||
గోభిః స్వార్థాదానమీశ-సృష్టం నేశాత్పరం క్వచిత్ |
దేహేంద్రియాత్మజీవోథ్థౌ రాగద్వేషావియంతు భిత్ || 5 ||
భూతేట్ సో2జో2వ్యయాత్మాపి సంభవత్యాత్మమాయయా |
శ్రేయో2ర్హసాధుగుప్త్యై స్వప్రకృతిస్థో యుగే యుగే || 6 ||
శృత్వా తత్కర్మ నిర్ద్వంద్వో ముచ్యతే కర్మబంధనాత్ |
న తథా కర్మసిధ్ధీప్సుర్ద్వంద్వాత్మా భ్రాంతహృన్నరః || 7 ||
గుణకర్మభిదా సృష్ట-చాతుర్వర్ణ్యస్య సో2వ్యయః |
కర్తాప్యకర్తా యైర్జ్ఞాతో బధ్నంతే కర్మభిర్న యే || 8 ||
**భూభారభూతద్ద్వేష్య-ఘాతాయ వివిధాస్తనూః |
ధృత్వా కణ్టకవన్మత్వా కృతకార్యౌ జహాత్యసౌ || 9 ||
అస్యైవాపూర్ణకృత్యాః స్యుః తన్వస్తాసూత్తమోత్తమా |
తనురేకాస్తి దత్తాఖ్యా కృపాసూః స్మర్తృగామినీ || 10 ||
ముక్తైర్ముముక్షిభిశ్చాన్యైః ధ్యేయానాన్యేదృశీ కలౌ |
కామదాయస్య కస్యాపి స్మృతిగామిన్యనుక్షణం || 11 ||
విశ్వం తతాన యో2వ్యక్తః తద్యత్స్థం యో న తత్స్థితః |
తద్యత్స్థం నైశ్వరాద్యోగాత్ తద్భృత్ తత్స్థో న వాయువత్ || 12 ||
మావశాద్యో2వశో2భీక్ష్ణం వ్యసృజత్తదబంధనః |
యేనాధ్యక్షేణ మా సూతే జగద్వేదామలం న యం || 13 ||
నృరూపేణావతీర్ణం యత్తత్త్వాజ్ఞో2సురభావగః |
న వేత్తి యోగగమ్యం యం సధ్ధర్మత్రాణకారణం || 14 ||
సో2న్వర్థాఖ్యానసూయాత్రిపుత్రో జజ్ఞే2జ ఈశ్వరః |
అచింత్యావ్యక్తరూపో2పి దత్తో2ర్చ్యః స్మృతితోషణః || 15 ||
పరానందమయో విష్ణుర్హృత్స్థో2వేద్యో2ప్యతీంద్రియః |
సదా సంపూజ్యతే భక్తైర్భగవాన్ భక్తిభావనః || 16 ||

మానస పూజా |
అచింత్యస్య కుతో ధ్యానం కూటస్థావాహనం కుతః |
క్వాసనం విశ్వసంస్థస్య పాద్యం పూతాత్మనః కుతః || 17 ||
క్వానర్ఘోరుక్రమస్యార్ఘ్యం విష్ణొరాచమనం కుతః |
నిర్మలస్య కుతః స్నానం క్వ నిరావరణే2ంబరం || 18 ||
స్వసూత్రస్య కుతః సూత్రం నిర్మలస్య చ లేపనం |
నిస్తృషః సుమనోభిః కిం కిమక్లేద్యస్య ధూపతః || 19 ||
స్వప్రకాశస్య దీపైః కిం కిం భక్ష్యాద్యైర్జగద్భృతః |
కిం దేయం పరితుష్టస్య విరాజః క్వ ప్రదక్షిణాః || 20 ||
కిమనంతస్య నతిభిః స్తౌతి కో వాగగోచరం |
అంతర్బహిః ప్రపూర్ణస్య కథముద్వాసనం భవేత్ || 21 ||

సర్వతో2పీత్యసంభావ్యో భావ్యతే భక్తిభావనః |
సేవ్యసేవకభావేన భక్తైర్లీలానృవిగ్రహః || 22 ||
తవేశాతీంద్రియస్యాపి పారంపర్యాశృతాం తనుం |
ప్రకల్ప్యాశ్మాదావర్చంతి ప్రార్చయే2ర్చాం మనోమయీం || 23 ||
కలసుశ్లోకగీతేన భగవన్ దత్త జాగృహి |
భక్తవత్సల సామీప్యం కురు మే మానసార్చనే || 24 ||
శ్రీదత్తం ఖేచరీముద్రా-ముద్రితం యోగిసద్గురుం |
సిధ్ధాసనస్థం ధ్యాయే2భీ-వరప్రదకరం హరిం || 25 ||
దత్తాత్రేయాహ్వయామ్యత్ర పరివారైః సహార్చనే |
శ్రధ్ధాభక్త్యేశ్వరాగచ్ఛ ధ్యాతధామ్నాఙ్జసా విభో || 26 ||
సౌవర్ణం రత్నజడితం కల్పితం దేవతామయం |
రమ్యం సింహాసనం దత్త తన్నోపవిశ యంత్రితే || 27 ||
పాద్యం చందనకర్పూర-సురభి స్వాదు వారి తే |
గృహాణ కల్పితం తేన దత్తాఞ్ఘ్రీ క్షాళయామి తే || 28 ||
గంధాబ్జతులసీబిల్వ-శమీపత్రాక్షతాన్వితం |
సాంబ్వర్ఘ్యం స్వర్ణపాత్రేణ కల్పితం దత్త గృహ్యతాం || 29 ||
సుస్వాద్వాచమనీయాంబు హైమపాత్రేణ కల్పితం |
తుభ్యమాచామ్యతాం దత్త మధుపర్కం గృహాణ చ || 30 ||
పుష్పవాసితసత్తైలమంగేష్వాలిప్య దత్త భోః |
పంచామృతైశ్చ **గంగాద్భిః స్నానం తే కల్పయామ్యహం || 31 ||
భక్త్యా దిగంబరాచాంతజలేదం దత్త కల్పితం |
కాషాయపరిధానం తత్ గృహాణైణేయచర్మ చ || 32 ||
నానాసూత్రధరైతే తే బ్రహ్మసూత్రే ప్రకల్పితే |
గృహాణ దైవతమయే శ్రీదత్త నవతంతుకే || 33 ||
భూతిమృత్స్నాసుకస్తూరీ కేశరాన్వితచందనం |
రత్నాక్షతాః కల్పితాః త్వామలఞ్కుర్వేςథ దత్త తైః || 34 ||
సచ్ఛమీబిల్వతులసీ-పత్రైః సౌగంధికైః సుమైః |
మనసా కల్పితైర్నానావిధైర్దత్తార్చయామ్యహం || 35 ||
లాక్షాసితాభ్రశ్రీవాస-శ్రీఖణ్డాగరుగుగ్గులైః |
యుక్తోՏగ్నియోజితో ధూపో హృదా స్వీకురు దత్త తం || 36 ||
స్వర్ణపాత్రే గోఘృతాక్త-వర్తిప్రజ్వాలితం హృదా |
దీపం దత్త సకర్పూరం గృహాణ స్వప్రకాశక || 37 ||
సషడ్రసం షడ్విధాన్నం నైవేద్యం గావ్యసంయుతం |
కల్పితం హేమపాత్రే తే భుంక్ష్వ దత్తాంబ్వదః పిబ || 38 ||
ప్రక్షాళ్యాస్యం కరౌచాద్భిర్దత్తాచమ్య ప్రగృహ్యతాం |
తాంబూలం దక్షిణాం హైమీం కల్పితాని ఫలాని చ || 39 ||
నీరాజ్య రత్నదీపైస్త్వాం ప్రణమ్య మనసా చ తే |
** పరితస్త్వత్కథోద్ఘాతైః కుర్వే దత్త ప్రదక్షిణాః || 40 ||
మంత్రవన్నిహితో మూర్ధ్ని దత్త తే కుసుమాఙ్జలిః |
కల్ప్యంతే మనసా గీత-వాద్యనృత్యోపచారకాః || 41 ||
ప్రేర్యమాణప్రేరకేణ త్వయా దత్తేరితేన తే |
కృతేయం మనసా పూజా శ్రీమన్స్తుష్టో భవానయా || 42 ||


దత్త మానసతల్పే మే సుఖనిద్రాం రహః కురు |
రమ్యే వ్యాయతభక్త్యామతూలికాఢ్యే సువీజితే || 43 ||

అపరాధ క్షమాపణ స్తోత్రం |
రసజ్ఞావశా తారకం స్వాదు లభ్యం గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 44 ||
వియోన్యంతరే దైవదార్ఢ్యాద్విభో ప్రాక్, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 45 ||
మయా మాతృగర్భస్థితిప్రాప్తకష్టాత్, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 46 ||
మయా జాతమాత్రేణ సమ్మోహితేన, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 47 ||
మయా క్రీడనాసక్త చిత్తేన బాల్యే, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 48 ||
మయా యౌవనేՏజ్ఞానతో భోగతోషాత్, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 49 ||
మయా స్థావిరేՏనిఘ్నసర్వేంద్రియేణ, గృహీతం కదాచిన్న తే నామ దత్త |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 50 ||
హృషీకేశ మే వాఞ్మనః కాయజాతం హరేՏజ్ఞానతో జ్ఞానతో విశ్వసాక్షిన్ |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 51 ||
స్మృతో ధ్యాత ఆవాహితోՏస్యర్చితో వా న గీతః స్తుతో వందితో వా న జప్తః |
క్షమస్వాపరాధం క్షమస్వాపరాధం క్షమస్వాపరాధం ప్రభో క్లిన్నచిత్త || 52 ||

దయాబ్ధిర్భవాదృఞ్ న సాగాశ్చ మాదృగ్ భవత్యాప్తమంతోర్భవాన్మే శరణ్యః |
యథాలంబనం భూర్హి భూనిస్తృతాంఘ్రే-రితి ప్రార్థితం దత్తశిష్యేణ సారం || 53 ||

అష్టోత్తరశత నామావళీ |
దత్తం వందే దశాతీతం దయాబ్ధిం దహనం దమం |
దక్షం దరఘ్నం దస్యుఘ్నం దర్శం దర్పహరం దవం || 54 ||
దాతారం దారుణం దాంతం దాస్యాదం దానతోషణం |
దానం దావప్రియం దావం దాసత్రం దారవర్జితం || 55 ||
దిక్పం దివసపం దిక్స్థం దివ్యయోగం దిగంబరం |
దివ్యం దిష్టం దినం దిశ్యం దివ్యాఞ్గం దితిజార్చితం || 56 ||
దీనపం దీధితిం దీప్తం దీర్ఘం దీపం చ దీప్తగుం |
దీనసేవ్యం దీనబంధుం దీక్షాదం దీక్షితోత్తమం || 57 ||
దుర్జేయం దుర్గ్రహం దుర్గం దుర్గేశం దుఃఖభంజనం |
దుష్టఘ్నం దుగ్ధపం దుఃఖం దుర్వాసోςగ్ర్యం దురాసదం || 58 ||
దూతం దూతప్రియం దూష్యం దూష్యత్రం దూరదర్శినం |
దూరం దూరతమం దూర్వాభం దూరాఞ్గం చ దూరగం || 59 ||
దేవార్చ్యం దేవపం దేవం **దేయజ్ఞం దేవతోత్తమం |
దేహజ్ఞం దేహినం దేశం దేశికం దేహిజీవనం || 60 ||
దైన్యం దైన్యహరం దైవం దైన్యదం దైవికాంతకం |
దైత్యఘ్నం దైవతం దైర్ఘ్యం దైవజ్ఞం దైహికార్తిదం || 61 ||
దోషఘ్నం దోషదం దోషం దోషిత్రం దోర్ద్వయాన్వితం |
దోషజ్ఞం దోహపం దోషేఞ్బంధుం దోర్జ్ఞం చ దోహదం || 62 ||
దౌరాత్మ్యఘ్నం దౌర్మనస్య-హరం దౌర్భాగ్యమోచనం |
దౌష్ట్యత్రం దౌష్కుల్యదోష-హరం దౌర్హృద్యభఙ్జనం || 63 ||
దణ్డజ్ఞం దణ్డినం దణ్డం దంభఘ్నం దంభిశాసనం |
దంత్యాస్యం దంతురం దంశి-ఘ్నం దణ్డ్యజ్ఞం చ దణ్డదం || 64 ||
అనంతానంతనామాని సంతి తేςనంతవిక్రమ |
వేదోςపి చకితో యత్ర నుర్వాఘృద్దూర కా కథా || 65 ||

ప్రార్థనా - శ్రీదత్తగురు-పరబ్రహ్మయోరభేదః |
నామరూపగూణాతీత భేదసఞ్గవివర్జిత |
ఏక ఏవాద్ద్వితీయోςసి పరమాత్మన్ హి నాకవత్ || 66 ||
నామరూపగుణాభేదా మాయాసక్తిరనేకతా |
కల్పితా స్థూలధీభిస్తే మహాకాశాదివద్ద్విభో || 67 ||
బహురూపాప్రమేయా తే మాయైషా జగదీశ్వర |
మాన్యతే మేςహమిత్యస్యా రమమాణో గుణేష్వసౌ || 68 ||
కారణం త్విదమేవాత్ర జగద్ద్విపరివర్తనే |
యేషాం నావ్యక్త గమ్యోςసి త్వమేవ పరమాగతిః || 69 ||
ఆసత్యలోకా లోకాస్తే పునరావర్తినోςక్షర |
తస్మాత్త ఏవ ధన్యాః స్యుర్గృహీతం ధామ యైస్తు తే || 70 ||
నానుమానేన తే ధామ గృహీతృం శక్యతే హ్యతః |
మృగ్యోςసి పురుషేణైవ బుద్ధ్యాదిగుణహేతుభిః || 71 ||
పుంస్త్వేςప్యర్క ఇవాంధానాం గోకల్పానామతీంద్రియ |
స్వప్నేςపి నైవ తే వార్తా పునః ప్రత్యక్షతా కుతః || 72 ||
ప్రేష్ఠత్వద్భక్త సంయోగ-వివేకామలదృష్టిభిః |
సాంఖ్యయోగపరైర్ధీరైః క్రమాత్తే ధామ గమ్యతే || 73 ||
తస్మాద్దత్తం నృజన్మేదం త్వయా దిష్ట్యాςమృతక్షమం |
సద్దృష్టిదానాద్భగవన్స్తత్సాఫల్యం కురు ప్రభో || 74 ||
త్వత్ప్రేమభక్త్యైవ సదా మదాత్మా ధియా ధియం దృష్టిమపీశ దృష్ట్యా |
అంగైః సదాఞ్గాని దృఢం దయాబ్ధే హరే నిబధ్నాత్వితి మేస్తి **యాఙ్చా || 75 ||
పాదౌ త్వదీయాలయతీర్థయాత్రావిహారిణావర్చనతత్పరౌ మే |
కరౌ రసజ్ఞాపి భవత్వజస్రం సత్త్వత్కథోద్ఘాతరసజ్ఞతోక్తా || 76 ||
త్వత్పాదపద్మచ్యుతపుష్పగంధం నాసా భజత్వక్షియుగం గుణాత్మన్ |
త్వన్మూర్తిమాసేచనకాం శృతీ మే శ్రావ్యస్త్వదీయా భగవన్ కథాశ్చ || 77 ||
త్వదీయభక్తాఞ్ఘ్ర్యమలాబ్జపూతాం ధూలిం మదఞ్గాని సదావహంతు |
మనస్తురఞ్గో నివసత్వజస్రం త్వయ్యేవ దీపోఞ్గ యథా నివాతే || 78 ||
శిరో నమత్వీశ్వర తేςఞ్ఘ్రిపద్మం దేహః సదాςςలిఞ్గయతు త్వదర్చ్యాం |
ఏషా త్వదీయైవ తనుస్త్వమేవ సంబంధినో మే నహి కేςద్ద్వితీయ || 79 ||
నూనం భవానృషిర్నైవ న వర్ణాశ్రమలిఞ్గభాక్ |
నిర్మితం భవతైవేదం విశ్వం స్వాంశాంశతోςఖిలం || 80 ||
న జానంతి భవన్మాయా-మోహితా దివ్యముత్తమం |
భవద్ధామాత ఏవైతే భ్రమంత్యసురభావగాః || 81 ||
కర్తా భర్తాసి హర్తా త్వం ప్రత్యక్షం తత్త్వమస్యపి |
భో సర్వం ఖల్విదం బ్రహ్మ త్వమస్యాత్మాసి కేవలం || 82 ||
త్వదుదేతి రమత్యేతద్ద్విశ్వం త్వయ్యేవ లీయతే |
అష్టమూర్తిభిరాభిస్త్వమాభాసీవ జగన్మయః || 83 ||
దిక్పాలా లోకపాలాశ్చ శౄయతే దృశ్యతేςఖిలం |
చరాచరం జగల్లోకా విష్ణో తేςవయవా అమీ || 84 ||
నిగూఢతత్త్వ తే జ్ఞాతం యత్కిఙ్చిల్లోకదుర్గ్రహం |
చేష్టితం తే ప్రసాదోςయం ప్రాక్పుణ్యైర్మయ్యుపస్థితః || 85 ||
సుఖమైంద్రియకం క్వాపి న కాంక్షే తే పదాశ్రితః |
నాకాదీన్న ప్రశంసామి నైవ నిందామి నారకాన్ || 86 ||
యథేచ్ఛం క్వాపి మాం కర్మ-యోగాత్స్థాపయ విశ్వభృత్ |
మాం యత్ర క్వాపి తే భక్తిర్న జహాత్వితి కాఞ్క్షితం || 87 ||
స్తువంతు నిందత్వపి తాడయంతు మాం పూజయంత్వత్ర జనా న వాపి |
దేహః పతత్వద్య యుగాంతరే వా న కిఙ్చిదిష్టం న చ మేςప్యనిష్టం || 88 ||
హృద్ధ్యాత్మేందిర్యవాక్కాయైః సదా ప్రకృతిభావతః |
యద్యత్కరోమ్యర్పయామి పరాత్మందత్త సర్వ తే || 89 ||
లీలాత్మనా యోςత్రిగృహేవతీర్ణో దత్తాఖ్య ఉన్మత్తపిశాచవద్యః |
బాలో యువా క్వాపి జరంజటాభృత్ క్వచిదృషిర్వ్యక్తపరీక్షితశ్చ || 90 ||
త్యాగీ సుభోగీ క్వచిదస్తి సంగీ యోగీ సువాసాః క్వచిదస్తి నగ్నః |
తుష్టః కృశః పుష్ట ఇహ క్వచిద్యో దండీ చ భిక్షుః క్వచిదస్తి వర్ణీ || 91 ||
గృహీ వనీ వర్ణవిరుద్ధచేష్టః క్వచిచ్చ వర్ణాశ్రమధర్మయుక్తః |
ఇత్యాదయో యస్య విచిత్రచేష్టా **దేవర్షిహృద్వాగయనం వ్యతీతాః || 92 ||
యో భక్తరక్షాక్షణ ఏవ యస్య వై సేవా స్మృతిర్భోజ్యనివేదనం ధియా |
పూజాఫలం యోςర్పయతీహ దుర్లభం భక్తస్మృతౌ సంనిధికృత్క్షణే క్షణే || 93 ||
యస్యాస్తి మాహురే నిద్రా నివాసః సహ్య పర్వతే |
భాగీరథ్యాం సదా స్నానం ధ్యానం గంధర్వపత్తనే || 94 ||
కురుక్షేత్రే చాచమానం ధూతపాపేశ్వరే తథా |
విభూతిధారణం సంధ్యా కరహాటే శ్రియః పురే || 95 ||
భిక్షా విఠ్ఠలపుర్యస్య సుగంధిద్రవ్యధారణం |
భుక్తిః సారపురే సాయం-సంధ్యా పశ్చిమసాగరే || 96 ||
స ఏష భగవాన్ దత్తః సదా వసతు మే హృది |
హృద్ధీంద్రియాదివ్యాపారే సదా తత్స్మృతిరస్తు మే || 97 ||
పాదాది మూర్ధపర్యంతమేతద్ద్వై భౌతికం వపుః |
పరిరక్షతు విశ్వాత్మా సదా సర్వత్ర సర్వతః || 98 ||
అపాణిపాదో జవనో గ్రహీతా పశ్యత్యదృగ్యోపి శృణోత్యకర్ణః |
యో వేత్తి వేద్యం న హి యస్య వేత్తా సోςగ్ర్యః ప్రధానః పురుషో హి దత్తః || 99 ||
ఆధారభూతః స్థిరజఞ్గమానాం క్షమాస్వరూపస్థితిరస్తి నిత్యం |
ఆప్యాయతే యో జగదప్స్వరూపీ **సర్వార్ధహృత్స్థాస్నుచరిష్ణు జీవః || 100 ||
వైశ్వానరాఖిలదేహసంస్థః పచత్యసౌ ప్రాణసఖః సదాన్నం |
యో భాస్వదాత్మాఖిలకర్మసాక్షీ విశ్వం సదా చేతయతే స్వభాసా || 101 ||
యోςబ్జో రసాత్మా సకలౌషధీర్వై పుష్ణాతి సంతాపహరోςఖిలేడ్యః |
క్షేత్రేషు భూత్వా దశధాఖిలేషు ప్రాణాత్మకో యః పవతేςఖిలాత్మా || 102 ||
ఆకాశరూపోςఖిలగోςపి సౌక్ష్మ్యాద్యోςభేదసఞ్గః కిల శబ్దసంస్థః |
భునక్తి చోత్క్రామతి తిష్ఠతేςపి మూఢా విదుర్యః న సదాత్మరూపం || 103 ||
యః సర్వహృత్స్థోςస్య యతః స్మృతిర్విత్ వేదాంతకృద్యోςపిచ వేదవేద్యః |
సమౌ యదంశౌ సయుజౌ సుపర్ణౌ వృక్షాశ్రితౌ భుక్త్యవలోకనోక్తౌ || 104 ||
స త్వం పరాత్మా పురుషోత్తమ శృతి-ఖ్యాతః సమావిశ్య జగత్త్రయం సదా |
ఈశావ్యయానంత బిభర్షి దత్త తే పాదాబ్జయుగ్మాయ నమోస్తు సర్వదా || 105 ||

ధ్యానం |

వజ్రాఞ్కుశధ్వజాబ్జాఞ్క-యుగ్రక్తాబ్జాభపత్తలః |
గూఢగుల్ఫః కూర్మపృష్ఠోల్లసత్పాదోపరిస్థలః || 106 ||
జానుపూర్వకజఞ్ఘశ్చ విశాలజఘనస్థలః |
పృథుశ్రోణిశ్చ కాకుత్స్థశ్చారునాభిర్దలోదరః || 107 ||
అరరోరా మాంసలాంసో యుగవ్యాయతబాహుకః |
సుచిహ్నచిహ్నితకరః కంబుకణ్ఠః స్మితాననః || 108 ||
స్నైగ్ధ్యధావళ్యయుక్తాక్షశ్చలత్-పిఞ్గజటాధరః |
చంద్రకాంతిః ప్రభుః కృష్ణ-భ్రూరః శ్మశృకనీనికః || 109 ||
భావశుధ్ధిద్ద్విజాకీర్ణ-స్వాస్యాబ్జోςభీవరప్రదః |
దత్తాత్రేయః స భగవాన్ సదా వసతు మే హృది || 110 ||
కలౌ ద్విరావిరాసీత్స దీనాన్ త్రాతుం జనాన్ కలౌ |
సద్ధర్మగుప్త్యై శ్రీపాద-నరహర్యభిధానతః || 111 ||
ఉడ్డీయంతే యథాశక్తి యథోచ్చావచపక్షిణః |
అనంతేςనంతలీలాం తన్న్యాయాద్ద్వక్ష్యే యథామతి || 112 ||

|| ఇతి శ్రీగురుచరిత్రే శ్రీగురుస్తుతిః ||

ద్విసాహస్రి అను శ్రీ గురుచరితము

ఈరోజు నుంచి యథాశక్తి, యథావకాశం పరమహంస పరివ్రాజకాచార్య శ్రీ వాసుదేవానంద సరస్వతీ స్వామి వారు రచించిన "ద్విసాహస్రి" అని పిలువబడే శ్రీ గురుచరితమును ఈ blog లో post చేయబోతున్నాను.