లక్ష్మణ బాణం | लक्ष्मण अस्त्रम् |

ధర్మాత్మా సత్యసంధశ్చ రామోదాశరథిర్యది ।
పౌరుషేచాప్రతిద్వంద్వం శరైనం జహి రావణిం ।।

धर्मात्मा सत्यसन्धश्च रामो दाशरथिर्यदि ।
पौरुशेचाप्रतिद्वन्द्वं शरैनं जहि रावणिम् ।।

శ్రీరామానుజాచార్య విరచిత శ్రీరంగనాథ గద్యం

ఓం నమో నారాయణాయ |
ఓం నమో నారాయణాయ |
ఓం నమో నారాయణాయ ||

స్వాధీన త్రివిధ చేతనాచేతన స్వరూపస్థితిప్రవృత్తిభేదం |
క్లేశకర్మాద్యశేషదోషాసంస్పృష్టం ||

స్వాభావికానవధికాతిశయ జ్ఞాన, బలైశ్వర్య, వీర్య, శక్తి తేజస్సౌశీల్య, వాత్సల్య మార్దవార్జవ, సౌహార్ద, సామ్య, కారుణ్య మాధుర్య, గాంభీర్యౌదార్య, చాతుర్య, స్థైర్య, ధైర్య, శౌర్యపరాక్రమ, సత్యకామ, సత్యసంకల్ప, కృతిత్వ, కృతజ్ఞతాద్యసంఖ్యేయ కల్యాణ గుణగణౌఘమహార్నవం |
పరబ్రహ్మభూతం, పురుషోత్తమం, శ్రీరంగశాయినం, అస్మత్స్వామినం, ప్రబుధ్ధ |
నిత్య నియామ్య, నిత్య దాస్యైకరసాత్మస్వభావోహం |
తదేకానుభవః |
తదేకప్రియః |
పరిపూర్ణం భగవంతం - విశదతమానుభవేన నిరంతరం, అనుభూయ |
తదనుభవజనితానవధికాతిశయ ప్రీతికారితాశేషావస్థోచితా2శేషశేషతైకరతిరూప, నిత్య కింకరో భవాని ||

స్వాత్మ నిత్య నియామ్య |
నిత్యదాస్యైకరసాత్మ స్వభానుసంధానపూర్వక |
భగవదనవధికాతిశయ స్వామ్యాద్యఖిల గుణగణానుభవజనితా2నవధికాతిశయ ప్రీతికారితాశేషావస్థోచితా2శేషశేషతైకరతిరూప, నిత్యకైంకర్య ప్రాప్త్యుపాయభూత భక్తి, తదుపాయ సమ్యజ్ఞాన, తదుపాయ సమీచీనక్రియా, తదనుగుణ సాత్త్వికాస్తిక్యాది సమస్తాత్మగుణవిహీనః |
దురుత్తరానంత తద్విపర్యయ జ్ఞానక్రియానుగుణానాది పాపవాసనా మహార్ణవాంతర్నిమగ్నః |
తిలతైలవత్, దారువహ్నివత్, దుర్వివేచ త్రిగుణ క్షణక్షరణస్వభావాచేతన ప్రకృతివ్యాప్తిరూప దురత్యయ భగవన్మాయాతిరోహిత స్వప్రకాశః |
అనాద్యవిద్యా సంచితానంతాశక్య విస్రంసన కర్మపాశప్రగ్రథితః |
అనాగతానంతకాల సమీక్షయా2పి అదృష్టసంతారోపాయః |
నిఖిలజంతుజాతశరణ్య, శ్రీమన్నారాయణ, తవ చరణారవిందయుగళం శరణమహం ప్రపద్యే ||
ఏవమవస్థితస్యాపి అర్థిత్వమాత్రేణ, పరమకారుణికో భగవాన్!
స్వానుభవప్రీత్య, ఉపనీతైకాంతికాత్యంతిక, నిత్యకైంకర్యైకరతిరూప, నిత్యదాస్యం దాస్యతీతి - విశ్వాసపూర్వకం, భగవంతం, నిత్యకింకరతాం, ప్రార్థయే ||

తవానుభూతి సంభూత ప్రీతికారితదాసతాం, దేహిమే కృపయా నాథ! న జానే గతిమన్యథా ||

సర్వావస్థోచితాశేషశేషతైకరతిస్తవ - భవేయం పుండరీకాక్ష! త్వమేవ ఏవం కురుష్వ మాం ||

ఏవం భూతతత్త్వయాథాత్మ్యావబోధ, తదిఛ్ఛారహితస్యాపి, ఏతదుచ్చారణ మాత్రావలంబనేన, ఉచ్యమానార్థ పరమార్థనిష్టం మే మనః, త్వమేవ అద్యైవ కారయ ||

అపారకరుణాంబుధే!
అనాలోచితవిశేషాశేషలోకశరణ్య!
ప్రణతార్తిహర!
ఆశ్రిత వాత్సల్యైక మహోదధే!
అనవరత విదిత నిఖిల భూత జాత యాథాత్మ్య!
సత్యకామ!
సత్యసంకల్ప!
ఆపత్సఖ!
కాకుత్స్థ!
శ్రీమన్! నారాయణ!
పురుషోత్తమ!
శ్రీరంగనాథ!
మమనాథ!
నమో2స్తుతే!!
శ్రీరంగనాథ! మమనాథ! నమో2స్తుతే!!

ఇతి శ్రీరంగనాథ గద్యం ||

गुरवे नमः గురవే నమః

రామో రాక్షససంహర్తః శ్రీకృష్ణో నరకాంతకః |
తయోరేకాత్మరూపాయ శివాయ గురవే నమః ||

रामो राक्षससंहर्तः श्रीकृष्णो नरकांतकः ।
तयोरेकात्मरूपाय शिवाय गुरवे नमः ॥

Ramo Rakshasa samhartaH Sreekrishno narakaantakaH |
Tayorekaatmarupaaya Sivaya guravE namaH ||

कैंकर्यम् కైంకర్యం kainkaryam

जिह्वे कीर्तय केशवं मुररिपुं चेतोभज श्रीधरम् ।
पाणिद्वंद्व समर्चय अच्युतकथाः श्रोत्रद्वय त्वं शृणु ।
कृष्णं लोकय लोचनद्वय हरेर्गच्छाङघ्रियुग्मालयम् ।
जिघ्र घ्राण मुकुंदपादतुलसीं मूर्धन्नमाधोक्षजम् ॥

జిహ్వే కీర్తయ కేశవం మురరిపుం చేతో భజ శ్రీధరం |
పాణిద్వంద్వ సమర్చయ అచ్యుతకథాః శ్రోత్రద్వయ త్వం శృణు |
కృష్ణం లోకయ లోచనద్వయ హరేర్గచ్ఛాంఘ్రియుగ్మాలయం |
జిఘ్ర ఘ్రాణ ముకుంద పాద తులసీం మూర్ధన్నమాధోక్షజం ||

Jihve keertaya keshavam muraripum chetO bhaja shreedharam |
paaNidvandva samarchaya achyutakathaah SrOtradvaya tvam SRNu |
KrishNam lOkaya lOchanadvaya harergachChaanghriyugmaalayam |
Jighra ghraaNa mukunda paada tulasIm mUrdhannamaadhOkshajam ||

-- From Mukundamala by Sri Kulasekhara Perumal.